Roy Martin Øyjord – ein aktiv og glad laks

Gründer og idéutviklar Roy Martin Øyjord er kokk, jeger og ivrig laksefiskar. Genuin interesse for foredling av fisk og kjøtt (spesielt vilt) etter urgamle norske tradisjonar har ført til at han starta Skakke Røykeri og er aktiv i drift, idéutvikling og kvalitetskontroll.

«Det å laga mat og matprodukt, har eg alltid hatt stor interesse for. Det kjem nok frå at mor mi var kokk og likte å laga mat på den gamle, gode og tradisjonelle måten. Kjøpte heile griser og lam, og laga alt frå botn av. Far min var jeger og kom heim med vilt som ho måtte foredla og laga mat av. Dette hadde eg stor interesse i og var alltid til stades og med på det arbeidet.

Far min hadde og eit gammalt røykeri som han røyka makrell og sild i, og ein og annan villaks frå fiskarar som fiska i Etneelva. Dette var eg med på frå eg var liten gut, heilt til eg ein dag bygde om røykehuset til leikehytta. Då var ikkje far min heilt fornøgd neste gong han skulle røyka fisk…»

Det første røykehuset blei bygd av Roy Martin sjølv i 2001. Det vart mykje eksperimentering, speking og røyking av både fisk og kjøtt. Produksjonen på den tida var stort sett til eige bruk, vener og familie. Skakkelaks såg først dagens lys då Nicolas Mahé De Berdouaré lanserte Erling Skakke konjakk i Etne i 2006. Den laga han som ein hyllest til sine forfedre, Erling Skakke Ormson, norsk riksstyrar og formyndar for sonen Magnus som seks år gamal vart krona til Noregs konge i 1162 på Stødle i Etne.

Då kom naturlegvis idéen om å marinera laks i Erling Skakke konjakk. Hausten 2017 utvida me sortimentet med Skakkeaure som er ein heilt magisk røykeaure, laga av beste kvalitetsfisk. Den er laga akkurat lik Skakkelaksen og er blitt ein storfavoritt hos mange av våre kundar.

Familien til Skakkeprodukta har auka og me produserer nå rundt 20 tonn Skakkelaks og Skakkeaure i året, samt viltpølser, viltkarbonadar, Skakke Bålbacon og jobbar stadig med nye idéar.

Me gjer vårt beste for å skapa den smaken, stemninga og kvaliteten for deg som kunde. Frå råvarene me plukkar ut, korleis me handterer dei når dei kjem inn til oss, marineringa, tørkinga, røykinga og til slutt korleis me pakkar varene inn og gjere dei tilgjengelege for kundar.

Me håpar vår måte å laga matprodukta på og vår historie er noko du kan lika. Skulle den også falla i smak er det heilt konge for oss 🙂 Lurer du på korleis du skal tilbereda produkta våre – ta kontakt med oss eller sjå sida med produkt.

Håpar alle måltid med Skakke blir heilt konge!

 

Signatur

Screen Shot 05-25-16 at 01.27 PM